لندن: وفاقی وزیر خزانہ مفتاح اسماعیل کا کہنا ہے کہ برطانیہ سے ملنے والے 140 ملین پاؤنڈز پاکستان کو موصول ہوئے تھے ۔عمران خان بتائیں وہ پیسے کس کے اکاؤنٹ میں ہیں۔
وفاقی وزیر خزانہ مفتاح اسماعیل نےلندن میں میڈیا سے گفتگو کرتے ہوئے کہا ہے کہ برطانوی حکومت نے 190 ملین پاؤنڈ پکڑ ے جس میں سے 140 ملین پاؤنڈز پاکستان کو موصول ہوئے تھے۔عمران خان سے جاننا چاہتے ہیں کہ وہ پیسے کس اکاؤنٹ میں ہیں۔
مفتاح اسماعیل نے کہا کہ فرح گجر لاکھوں ڈالرز کے بیگ لیتی رہی ہیں۔ فرح گجر پنجاب میں پیسے لیکر ٹرانسفر کراتی رہیں ۔وزیر خزانہ نے مزید کہا کہ ہمارا پورا وفد بشمول وزیر اعظم پاکستان کے اپنے خرچ پر لندن آیا ہے ۔