کراچی: ایڈمنسٹریٹر کراچی مرتضی وہاب نے اینٹی اینکروچمنٹ اور کچی آبادی کے ڈپٹی ڈائریکٹرز کی جانب سے مبینہ رشوت طلبی اور ہراسمنٹ کا نوٹس لیتے ہوئے 2 افسران کو معطل کر دیا۔
مرتضی وہاب نے کہا کہ معاملے کی تحقیقات کے لئے کمیٹی قائم کردی ہے۔ مبینہ طور پر دو افسران نے خاتون سے رشوت طلب کی اور ہراساں کیا، دونوں افسران کو معطل کردیا گیا ہے۔
انہوں نے کہا کہ معاملے کو سیاسی رنگ دئیے بغیر شفاف تحقیقات کی جائے، اس قسم کی نا زیبا حرکات کسی صورت قبول نہیں کی جائیگی۔
ایڈمنسٹریٹر کراچی کہ کہنا تھا کہ انکوائری کے بعد ملوث افسران کے خلاف مزید قانونی کارروائی کی جائیگی۔