ایڈمنسٹریٹر کراچی و مشیر قانون سندھ بیرسٹر مرتضیٰ وہاب سے ان کے دفتر میں ایڈیشنل آئی جی پولیس جاوید عالم اوڈھو نے ملاقات کی۔ ملاقات میں ایڈمنسٹریٹر کراچی بیرسٹر مرتضیٰ وہاب نے شہر میں بڑھتے ہوئے اسٹریٹ کرائمز پر اپنے تحفظات کا اظہار کیا۔
ایڈمنسٹریٹر کراچی و مشیر قانون سندھ بیرسٹر مرتضیٰ وہاب سے ان کے دفتر میں ایڈیشنل آئی جی پولیس جاوید عالم اوڈھو کی ملاقات۔ ایڈمنسٹریٹر کراچی بیرسٹر مرتضیٰ وہاب نے شہر میں بڑھتے ہوئے اسٹریٹ کرائمز پر اپنے تحفظات کا اظہار کیا۔ انہوں نے کہا کہ اسٹریٹ کرائمز کو روکنے کے لئے پولیس سخت اقدامات کرے۔ صحافی حمید سومرو کے ساتھ پیش آنے والے واقعے کے ملزمان کی گرفتاری کی ہدایت بھی کی۔
ایڈمنسٹریٹر کراچی نے ایڈیشنل آئی جی پولیس جاوید اوڈھو سے کہا کہ محکمہ پولیس بڑھتے اسٹریٹ کرائمز اور منشیات کے خاتمے کے لئے اپنا موثر اور بھرپور کردار ادا کرے۔ اسٹریٹ کرائمز کے باعث شہریوں کو مشکلات کا سامنا ہے۔ اسٹریٹ کرائمز کی روک تھام کے لئے پولیس گشت میں اضافہ کیا جائے۔ انہوں نے کہا کہ منشیات کی فروخت کو روکنے کے لئے بھی پولیس اقدامات کرے۔ منشیات ہمارے معاشرے کے لئے ناسور ہے۔ منشیات سے نوجوانوں کا مستقبل تباہ ہو رہا ہے۔
انہوں نے کہا کہ قانون نافذ کرنے والے ادارے مشترکہ حکمت عملی کے تحت اسٹریٹ کرائمز کے حوالے سے بھرپور اقدامات کریں۔ محکمہ پولیس متاثرہ افراد کے ساتھ تعاون کرے اور ہمدردانہ رویہ اختیار کرے۔
