وزیر مملکت برائے پٹرولیم ڈاکٹر مصدق ملک کا گزشتہ روز سابق وزیراعظم عمران خان کی تقریر پرسخت تشویش کا اظہار۔ فوج کی اعلی قیادت کی حب الوطنی پر شک کرنے پر عمران خان کو قانونی کارروائی کا عندیہ بھی دے دیا۔
وزیر مملکت برائے پٹرولیم ڈاکٹر مصدق ملک کی اسلام آباد میں پریس کانفرس میں پاک فوج کی اعلیٰ قیادت کے خلاف عمران خان کے بیان کی شدید مذمت کی انہوں نے کہا کہ کل کی تقریر سے ثابت ہوتا ہے کہ شہباز گل کے پیچھے عمران خان ہے۔ اب پتہ کرنا ہے کہ عمران کے پچھے کون ہے؟؟۔ حکومت پاک فوج کی اعلٰی قیادت کی حب الوطنی پر شک پیدا کرنے کی مذموم کوشش پر قانونی کارروائی کے لیئے مشاورت کر رہی ہے۔
مصدق ملک نے کہا کہ جو جنرل شہید ہوئے وہ ملک کے دفادار نہیں تھے۔ فوج کا ہر سپاہی اور جنرل تگڑا ہے۔ ایسا بیان دے کر جو وزن بنانے کی کوشش ہے یہ وزن آپ سے نہیں اٹھایا جائے گا۔
وزیر مملکت مصدق ملک کا مزید کہنا تھا کہ عمران خان حکومت پر تنقید کرکے تحریک عدم اعتماد کی بھڑاس نکال رہے ہیں مگر وہ ریڈ لائن ہی کراس کرگئے۔ پی ٹی آئی اور ان کے اتحادی رہنماوں سے کہتا ہوں کہ عمران خان کے بیان پر اپنی پوزیشن واضح کریں۔