اسلام آباد: قومی اسمبلی سیکرٹریٹ نے اجلاس کا ایجنڈا جاری کردیا ہے ، چھ نکاتی ایجنڈا میں چوتھے نمبر پر تحریک عدم اعتماد پر ووٹنگ کی تحریک موجود ہے ۔ چھ نکاتی ایجنڈا میں وقفہ سوالات اور دو توجہ دلاؤ نوٹس بھی شامل ہیں۔نکتہ اعتراض کو بھی ایجنڈا میں شامل کیا گیا ہے،قومی اسمبلی کا اجلاس کل صبح ساڑھے10بجے ہوگا۔
قومی اسمبلی اجلاس کی طلبی کے حوالے سے سپیریم کورٹ کے فیصلے کی مصدقہ کاپی قومی اسمبلی سیکرٹریٹ کو موصول ہوگئی ہے، جب کہ اسپیکر قومی اسمبلی اسد قیصر کو بھی عدالتی فیصلہ بھجوایا گیا، جس میں سپریم کورٹ نے اسپیکر کو اجلاس کل صبح طلب کرنے کا حکم دے رکھا ہے۔
