اسلام آباد:پارلیمنٹ کے مشترکہ اجلاس میں آئندہ عام انتخابات میں الیکٹرانک ووٹنگ مشین کے استعمال کا بل منظور کرلیا گیا۔وزیر اعظم عمران خان سمیت حکومتی ارکان پارلیمنٹ نے ڈیسک بجا کر خوشی کا اظہار کیا جبکہ دوسری جانب متحدہ اپوزیشن ایوان سے واک آؤٹ کر گئی ۔
پارلیمنٹ کے مشترکہ اجلاس میں آئندہ عام انتخابات میں الیکٹرانک ووٹنگ مشین کے استعمال کا بل منظور منظور کرلیا گیا۔اسپیکر قومی اسمبلی نے الیکٹرانک ووٹنگ مشین بارے بابر اعوان کی ترمیم منظور کرلی۔تحریک کے حق میں 221اور مخالفت میں 203ووٹ آئے۔
پیپلز پارٹی کے رہنما تاج حیدر نے گنتی کو چیلنج کردیا۔ انہوں نے کہا کہ پہلے گنتی کو درست کریں۔ فروغ نسیم،رضا ربانی اور اعظم نذیر تارڑ اور شیری رحمان مشاورت کرتے رہے جبکہ اس دوران انتخاب ترمیمی بل تحریک پر گنتی ہو تی رہی۔ دوران احتجاج اپوزیشن ارکان کے ووٹ چور ووٹ چور کے نعرے بھی لگاتے رہے ۔
پارلیمنٹ کے مشترکہ اجلاس میں عالمی ادارہ انصاف نظر ثانی بل 2021 ،اور نیشنل کالج آف آرٹس انسٹیوٹ بل منظور کیا گیا ۔
