کراچی: قومی ادارہ برائے امراض قلب کے ملازمین نے ایک بار پھر او پی ڈیز کا بائیکاٹ کردیاجس کے باعث ملک بھر سے دل کی بیماریاں میں مبتلا مریضوں کو شدید مشکلات کاسامناکرناپڑرہاہے۔
کراچی میں قومی ادارہ برائے امراض قلب کے ملازمین نے ایک بار پھر او پی ڈیز کا بائیکاٹ کردیا ہے ۔ ملازمین نے مطالبہ کیا ہے کہ انتظامیہ گزشتہ 15 ماہ سے رو کا ہوا کورونا الاؤنس سمیت دیگر الاونسز بھی دئیے جائیں جبکہ کورونا میں کام کرنے والے ملازمین کو مستقل کیا جائے۔
ملازمین نے کہا ہے کہ مطالبات منظور نہ ہوئے تو اسپتال کے دیگر شعبوں کا بھی بائیکاٹ کریں گے ۔ این آئی سی وی ڈی کے احتجاج کے باعث ملک بھر سے دل کی بیماریاں میں مبتلا ہوکر آنے والے مریض شدید اذیت کا سامنا کرنا پڑ رہا ہے ۔
