ملک میں جاری بارشوں اور سیلاب سے مزید گیارہ افراد جاں بحق ہو گئے جس کے بعد مجموعی تعداد ایک ہزار تین سو پچیس ہو گئی۔
این ڈی ایم اے کے مطابق مزید گیارہ افراد چل بسے تمام افراد کا تعلق سندھ سے ہے۔ بارشوں اور سیلا ب سے سندھ میں مجموعی طور پر اب تک 522 افراد جاں بحق ہوئے۔سیلاب سے بلوچستان میں 260 اور پنجاب میں 189 اموات ہوئیں ۔گلگت بلتستان 22 اورآزاد کشمیر میں 42 افراد جان کی بازی ہار گئے جبکہ ملک بھر میں اب تک زخمى ہونے والوں کى تعداد 12 ہزار 703 ہے۔
ملک بھر میں 5735 کلو ميٹر سڑکیں بارشوں اور سيلاب میں بہہ گئیں۔ 7 لاکھ 50 ہزار 481 مويشيوں کو بھی نقصان پہنچا ہے۔ اس وقت 80 اضلاع بارشوں اور سيلاب کی زد میں ہيں جبکہ 3 کروڑ 30 لاکھ 46 ہزار 329 افراد بارشوں سے متاثر ہوئے۔
