اسلام آباد: نیپرا نے بجلی کی فی یونٹ قیمت میں ایک روپے انتالیس پیسے اضافے کی حکومتی درخواست پر سماعت مکمل کرلی۔ پاور ڈویژن حکام کے مطابق اضافے کی صورت میں بجلی کا اوسط ٹیرف پندرہ روپے چھتیس پیسے فی یونٹ ہوجائے گا۔
حکومت نے بجلی کی فی یونٹ قیمت میں 1.39 روپے اضافی کرنے کی درخواست دی تھی۔ حکومتی درخواست پر فیصلہ جلد جاری کیا جائے گا، اضافے کی صورت میں اطلاق کے الیکٹرک سمیت ملک بھر کے صارفین پر ہوگا، اس وقت بجلی کا اوسط ٹیرف 13.97 روپے فی یونٹ ہے، اضافے کی صورت میں بجلی کا اوسط ٹیرف 15.36 روپے فی یونٹ ہوجائے گا۔
