پاکستان اور آسٹریلیا کے درمیان آئی سی سی ورلڈکپ سپرلیگ سیریز کا دوسرا میچ جمعرات اکتیس مارچ کوکھیلاجارہاہے۔ مہمان آسٹریلیاکوسیریز میں برتری حاصل ہے اور دوسرا میچ جیت کروہ سیریز بھی اپنے نام کرسکتی ہے۔ بابراعظم الیون سیریز میں بقاکے لیے لازمی فتح کی ضرورت ہے۔
آئی سی سی ورلڈکپ سپرلیگ سیریز کے لیے پاکستان اور آسٹریلیا کے درمیان دوسرا ایک روزہ میچ جمعرات اکتیس مارچ کوقذافی اسٹیڈیم لاہور میں کھیلا جائے گا۔ مہمان ٹیم کوسیریز میں ایک صفرکی برتری حاصل ہے۔ ایرون فنچ الیون دوسرا میچ جیت کر سیریز بھی اپنے نام کرسکتی ہے تاہم آسٹریلوی ٹیم فٹنس مسائل سے دوچار ہے۔ مچل مارش ہپ انجری کے باعث وطن واپس جارہے ہیں۔ جوش انگلس اور ایشٹن اگرکے کووڈ ٹیسٹ مثبت آگئے۔
مہمان ٹیم کوبقیہ میچزکےلیے صرف تیرہ فٹ کھلاڑی دستیاب ہیں۔ بابراعظم الیون کوسیریزبچانے کے لیے لازمی فتح درکار ہے۔ پاکستان ٹیم میں فاسٹ بولر شاہین شاہ آفریدی کی واپسی یقینی ہے، ٹیم میں مزیدتبدیلیوں کا بھی امکان ہے۔
