اسلام آباد: اپوزیشن رہنما شہباز شریف نے وفاقی سیکرٹری داخلہ کو خط لکھ دیا ہے جس میں اتوار کو قومی اسمبلی میں تحریک عدم اعتماد کی ووٹنگ کے موقع پر فول پروف سیکیورٹی کو یقینی بنانے کا مطالبہ کیا گیا ہے۔۔
اپوزیشن لیڈر نے نئے وزیراعظم کے انتخابات والے دن بھی فل پروف سیکیورٹی کا مطالبہ کیا۔ اپوزیشن لیڈر شہبازشریف نے وفاقی سیکریٹری داخلہ کوخط لکھا ہے جس میں مطالبہ کیا گیا ہے کہ اتوارکوقومی اسمبلی میں تحریک عدم اعتمادکی ووٹنگ ہے۔ایم این ایز کی فل پروف سیکیورٹی کو یقینی بنایا جائے۔
شہبازشریف کی جانب سے خط میں ووٹنگ والے دن ایک لاکھ پی ٹی آئی ورکرزلانے کا حوالہ دیتے ہوئے کہا کہ ضلعی انتظامی اور پولیس آئین وقانون کے مطابق فرائض سر انجام دے۔شہبازشریف نے خط کی کاپی کمشنر اسلام آباد،ڈی سی اور آئی جی اسلام آباد کو بھی ارسال کردی ہے۔
