اسلام آباد: وزیر اعظم کے مشیر برائے پارلیمانی امور ڈاکٹر بابر اعوان کا کہنا ہے وزیراعظم کی ہدایت پر تحریک عدم اعتماد کے معاملے پر ہمارے اراکین ووٹنگ کے عمل میں شامل نہیں ہوں گے۔
وزیراعظم آفس کے باہر میڈیا سے گفتگو میں بابر اعوان کا کہنا تھا ہم سپریم کورٹ کے سامنے وہ مراسلہ رکھنے کے سامنے تیار ہیں جو وزیراعظم نے جلسے میں لہرایا۔ جس دن مراسلہ منظر عام پر آگیا اس کے بعد پی ڈی ایم قیادت کو منہ چھپاتے کی جگہ نہیں ملے گی۔
ان کا کہنا تھا آخری پانچ اوورز 31 کے بعد شروع ہوں گے جس میں بہت سرپرائز ہوں گے۔بابر اعوان نے بتایا وزیراعظم نے پارلیمانی پارٹی کو ہدایات بھیجی ہیں کہ پی ٹی آئی کے اراکین تحریک عدم اعتماد پر ووٹنگ میں نہیں جائیں گے۔ بابراعوان کا کہنا تھا ہماری تیاری مکمل ہے ہم بھرپور سرپرائز دیں گے۔