لاہور:وزیراعلیٰ پنجاب عثمان بزدار کا کہنا ہے کہ 27 فروری 2019کو پاکستان فضائیہ کے شاہینوں نے دو بھارتی جنگی طیارے تباہ کرکے بھارت کا غرور خاک میں ملا دیا ۔
وزیراعلیٰ پنجاب سردار عثمان بزدار نے بھارتی طیارے گرانے کےتین برس مکمل ہونے پر اپنے پیغام میں کہا ہے کہ آج کے دن پاک فضائیہ کے شاہینوں نے دو بھارتی جنگی طیارے تباہ کر کے بھارت کا غرور خاک میں ملا دیا۔قوم آج پاک فضائیہ کے شاہینوں کی شجاعت اور بہادری کو خراج تحسین پیش کرتی ہے۔