اسلام آباد: امیر جمعیت علمائے اسلام (ف ) مولانا فضل الرحمان کا کہنا ہے کہ پاکستان اور چائنا کی دوستی اس طرح کے بزدلانہ واقعات سے متاثر نہیں ہوں گی ۔
جے یو آئی کے امیر مولانا فضل الرحمان نے چائنا کے سفارت خانے کا دورہ کیا اور چینی ناظم الامور پینگ چنشو سے ملاقات کی ۔ مولانا فضل الرحمان نے کراچی دھماکے پر چینی حکام سے تعزیت کی۔ مولانا فضل الرحمان نے مہمانوں کی کتاب میں اپنے تاثرات قلمبند کیے۔
امیر جے یو آئی مولانا فضل الرحمان نے کہا کہ پاکستانی قوم غم کی اس گھڑی میں جاں بحق چینی افراد کے لواحقین کے ساتھ کھڑی ہے ۔پاکستان اور چائنا کی دوستی اس طرح کے بزدلانہ واقعات سے متاثر نہیں ہوں گی ۔