راولپنڈی ٹیسٹ کے تیسرے دن عثمان خواجہ کے ستانوے رنز کی بدولت آسٹریلیا نے اپنی پہلی اننگز میں دو وکٹوں کے نقصان پر دوسو اکہتر رنز بنائے۔ خراب روشنی اور بارش کے سبب تیسرے دن اڑسٹھ اوورز کا کھیل ممکن ہوسکا۔
پاکستان کی پہلی اننگز کا اسکور برابر کرنے کے لیے آسٹریلیا کو مزید دوسو پانچ رنز درکار ہیں۔ اور اس کی آٹھ وکٹیں باقی ہیں۔
تیسرے دن آسٹریلیا کی صرف دو وکٹیں گریں ۔ اسلام آباد میں پیدا ہوکر آسٹریلیا کی جانب سے کھیلنے والے عثمان خواجہ تین رنز کی کمی سے پاکستان میں اپنی پہلی ٹیسٹ سنچری مکمل نہ کرپائے۔ وہ نعمان علی کا شکار ہوئے۔
ڈیوڈ وارنر اڑسٹھ رنز بناکر ساجد خان کی وکٹ بن گئے۔
تیسرے دن کا کھیل ختم کرنے کا اعلان کیا گیا تو مارنوس لبوشانے انہتر اور اسٹیو اسمتھ چوبیس رن بناکر ناٹ آؤٹ رہے۔ چوتھے دن کھیل کا آغاز پندرہ منٹ قبل کیا جائے گا۔
راولپنڈی ٹیسٹ کے چوتھے دن کا آغاز آسٹریلیا کی ٹیم اپنے اسکور دو وکٹوں کے نقصان پر دوسو اکہتر رنزرنز سے شروع کرے گی۔
