اسلام آباد: پاکستان بحریہ اور رائل نیوی آف اومان کے مابین دوطرفہ بحری مشق ثمر الطیب کا انعقاد کیا گیاہے۔مشق میں دونوں بحری افواج کے جہازوں،فضائی اثاثوں اور اسپیشل سروس گروپس نے شرکت کی
ترجمان پاکستا ن بحریہ کے مطابق پاکستان بحریہ اور رائل نیوی آف اومان کے مابین دوطرفہ بحری مشق ثمر الطیب کا انعقاد کیا گیا جس میں دونوں بحری افواج کے بحری جہازوں، فضائی اثاثوں اور اسپیشل سروس گروپس نے شرکت کی ۔ روایتی اور غیر روایتی خطرات کے خلاف مشترکہ میری ٹائم آپریشنز کا انعقاد کیا گیا۔
ترجمان پاکستا ن بحریہ کے مطابق بحری مشق دونوں ممالک کی مشترکہ میری ٹائم آپریشنز کی صلاحیت میں اضافے کا باعث بنے گی۔مشق کے انعقاد کا مقصد دونوں ممالک کے مابین دوطرفہ تعلقات کو مزید فروغ دینا ہے۔