ٹی ٹوئنٹی طرز میں ایشیاکپ کا سب سے بڑا پاکستان اور بھارت کا معرکہ آج دبئی میں ہوگا۔ پاکستان شاہین شاہ آفریدی اور وسیم جونیئر جبکہ بھارت جسپریت بمرا کی خدمات سے محروم ہوگا۔ بابراعظم اور روہت شرماالیون اہم ترین جنگ کےلیے تیار ہیں۔ ایونٹ میں دونوں ٹیموں کے دو اور مقابلے بھی ہوں گے۔
ایشیاکپ ٹی ٹوئنٹی ٹورنامنٹ کاسب سے بڑا پاکستان بھارت معرکہ آج دبئی میں ہونا ہے۔جس کے تمام ٹکٹ فروخت ہوچکے ہیں۔ دنیا بھر کے شائقین کرکٹ اس میچ کے بے چینی سے منتظر ہیں۔ ایشیا کپ میں روایتی حریف ٹیموں کا دو اور مرتبہ ٹکراؤ ہو گا۔ پاکستان ٹیم اپنے اہم ترین ہتھیار شاہین شاہ آفریدی اور وسیم جونیئر جبکہ بھارت جسپریت بمراکے بغیرمیدان میں اتریں گے جو انجریز کا شکار ہیں۔
ایشیاکپ میں باہمی نو میچوں میں بھارت نے چھ اور پاکستان نے دو کامیابیاں حاصل کی ہیں۔ بھارت سات ، سری لنکا پانچ اور پاکستان دو بار ایشین چیمپئن بن چکا ہے۔ کپتان بابر اعظم اور روہت شرما اپنی ٹیموں کی امیدوں کا محور ہیں۔