اسلام آباد: آرمی چیف جنرل قمر جاوید باجوہ سے پاکستان اور افغانستان کےلیے برطانوی نمائندے نے ملاقات کی ہے۔ملاقات میں باہمی دلچسپی کے امور اور خطے کی سیکیورٹی صورتحال پر تبادلہ خیال کیا گیا ۔
آئی ایس پی آر کے مطابق آرمی چیف سے پاکستان اور افغانستان کےلیے برطانوی نمائندے نے ملاقات کی جس میں خطے کی سیکیورٹی سمیت دیگر اہم امور پر گفتگو کی گئی ۔ ملاقات میں افغانستان کی موجود صورتحال بھی زیر غور آئی ۔
اس موقع پر گفتگو کرتے ہوئے آرمی چیف نے کہا کہ پاکستان عالمی اور علاقائی معاملات میں برطانیہ کے کردار کو قدر کی نگاہ سے دیکھتا ہے۔برطانیہ کے ساتھ دوطرفہ تعلقات بڑھانے کےلیے پرعزم ہیں۔افغانستان میں انسانی بحران سے بچنے اور معاشی ترقی کےلیے عالمی اتحاد ضروری ہے۔