آج ایشیا کپ کے فائنل میں پاکستان نے سری لنکا کے خلاف ٹاس جیت کر فیلڈنگ کا فیصلہ کیا ہے۔ دونوں ٹیمیں ایک دوسرے کو شکست دینے کے لیئے پراعتماد ہیں۔
ایشیا کپ کا فائنل دبئی انٹرنیشنل کرکٹ اسٹڈیم میں کھیلا جا رہا ہے۔ دونوں ٹیموں نے گزشتہ روز آرام کیا تھا اور آج دونوں ٹیمیں ٹرافی جیتنے کے عزم کے ساتھ میدان میں اتریں ہیں۔ پاکستان کی قیادت بابراعظم کریں گے جبکہ سری لنکا کے کپتان داسن شناکا ہیں۔
پاکستان نے اپنی ٹیم میں دو تبدیلیاں کی ہیں حسن علی اور عثمان قادر کی جگہ شاداب خان اور نسیم شاہ کی واپسی ہوئی ہے۔ میچ میں سری لنکا کا انحصار وینندو ہسرنگا اور مہیش تھیکشنا کی سپن جوڑی پر ہوگا جنہوں نے گزشتہ میچ میں پاکستان کی اننگز کو 121 رنز تک محدود رکھا۔ پاکستانی تماشائیوں کی نظریں محمد رضوان اور محمد نواز پر ہیں۔ ٹورنامنٹ میں آوٹ آف فارم رہنے والے بابر اعظم کوفائنل میں کارکردگی دکھانا ہوگی۔