لاہور: قذافی اسٹیڈیم لاہور میں تیسرے ٹیسٹ کے پہلے دن کے اختتام پر آسٹریلیا نے 5 کھلاڑیوں کے نقصان پر 232 رنز بنائے۔ شاہین شاہ اورنسیم شاہ نے دو، دو اور ساجد خان نےایک کھلاڑی آؤٹ کیا۔
قذافی اسٹیڈیم لاہور میں کھیلے جارہے تیسرے اور آخری ٹیسٹ میچ میں آسٹریلیا نے ٹاس جیت کر پہلے بیٹنگ کرنے کا فیصلہ کیا۔
پہلے دن آسٹریلوی اوپنر عثمان خواجہ نے 91 رنز کی ایک اور شاندار اننگز کھیلی۔ اسٹیو اسمتھ 59 اور ٹریوس ہیڈ نے 26 رنز اسکور کیے۔ ڈیوڈ وارنر 7 اور مارنوس لبوشین بغیر کوئی رن بنائے پویلین لوٹ گئے۔
پاکستان کی جانب سے شاہین شاہ آفریدی اور نسیم شاہ نے دو، دو وکٹیں حاصل کیں۔ جبکہ اسپنر ساجد خان ایک وکٹ حاصل کرنے میں کامیاب ہوئے۔
دوسرے دن کا کھیل آسٹریلیا کی ٹیم پانچ وکٹوں پر دوسو بتیس رنز سے شروع کرے گی۔ کیمرون گرین بیس اور الیکس کیری آٹھ رنزبنا کر ناٹ آؤٹ ہیں۔
