کوئٹہ: سابق وزیر اعلیٰ بلوچستان جام کمال کا کہنا تھا کہ پی ڈی ایم نے وعدہ پورا نہیں کیا وفاق میں حکومت سے علیحدگی پر مشاورت کریں گے۔
وزیراعلیٰ بلوچستان قدوس بزنجو کے خلاف تحریک عدم اعتماد مسترد ہونے کے بعد میڈیا سے گفتگو کرتے ہوئے سابق وزیر اعلیٰ جام کمال کا کہنا تھا کہ پی ڈی ایم نے وعدہ پورا نہیں کیا ۔وفاق میں حکومت سے علیحدگی پر مشاورت کریں گے۔
پی ٹی آئی کے رکن اسمبلی میر نصیب اللہ مری نے کہا کہ وزیراعلیٰ بلوچستان کے خلاف تحریک عدم اعتماد ناکام ہوگئی۔ پی ٹی آئی کے منحرف اراکین کے خلاف پنجاب طرز کی کاروائی کی جائے گی۔
بلوچستان اسمبلی کا اجلاس صبح 10 بجے طلب کیا گیا تھا تاہم وزیر اعلیٰ کے خلاف تحریک عدم اعتماد پیش کرنے کے لیے اراکین کی مطلوبہ تعداد پوری نہ ہونے کے باعث اجلاس پانچ گھنٹے سے زائد تاخیر سے شروع ہوا تھا۔
