کراچی: پی ایس ایل سیزن 7 کے پانچویں میچ میں پشاور زلمی نے جیت کےلیے اسلام آباد یونائیٹڈ کو169 رنز کا ہدف دے دیا۔
پاکستان سپر لیگ سیزن سیون کا پانچواں میچ نیشنل اسٹیڈیم کراچی میں جاری ہے، جس میں اسلام آباد یونائیٹڈ پشاور زلمی کے خلاف ٹورنامنٹ کا پہلا میچ رہی ہے۔میچ کے آغاز میں اسلام آباد نے ٹاس جیت پر پشاور کو پہلے بیٹنگ کرنے کی دعوت دی تھی۔
پشاور زلمی نے بیٹنگ کی دعوت قبول کرتے ہوئے اوپنرز کو میدان اتارا تاہم زلمی کی اوپننگ لائن ناکام ثابت ہوئی اور پہلے بلے بازی کےلیے میدان میں آنے والے ٹام کوہلر صفر جب کہ یاسر خان 14 رنز بناکر پویلین لوٹ گئے۔
حیدر علی نے 13 گیندوں پر ٹیم کے مجموعے میں 15 رنز کا اضافہ کیا اور اسلام آباد کے کپتان شاداب خان کا شکار بنے جب کہ چوتھے نمبر پر آنے والے حسنین طلعت کو فہیم اشرف نے پویلین کی راہ دکھائی، حسنین طلعت 9 گیندوں پر صرف 2 رنز ہی بناسکے۔
