اسلام آباد: سعودی عرب سے پاکستان آنے والی پی آئی اے کی پرواز میں گھنٹوں تاخیر سے مسافر رل گئے۔ مسافروں نے طیارے کے اندر احتجاج کیا۔
قومی ایئر لائن میں سعودی عرب سے پاکستان آنے والے مسافر گھنٹو ں تاخیر کے باعث رل گئے ۔ پائلٹ نے ڈیوٹی ٹائم ختم ہونے پر جہاز اڑانے سے انکار کر دیا ۔ کپتان نے اسلام آباد کے بجائے واپس طیارے کو ریاض لے گیا ۔ مسافروں نے طیارے کے اندر پی آئی اے کے خلاف نعرے بازی اور احتجاج کیا ۔
صورتحال کشیدہ ہونے پر ریاض ایئرپورٹ پر سیکیورٹی عملے کو طلب کرلیا۔مسافروں نے جہاز کے اندر شدید احتجاج کیا اور طیارے سے اترنے سے انکار کردیا ۔ دوسری جانب ترجمان پی آئی اے کا کہنا ہے فضائی سیفٹی کے لیے کپتان کا مکمل پرسکون اور آرادہ ہونا ضروری ہے ۔ طیارہ اسلام آباد پہنچ گیا ہے۔