اسلام آباد: مسلم لیگ ن کے صدر شہباز شریف نے کہا کہ پاکستان کی تاریخ میں بہت اہم دن ہے۔ اپوزیشن کا متحدہ جرگہ مل بیٹھا ہے۔ ایم کیو ایم کے ساتھیوں کا شکریہ ادا کرنا چاہتا ہوں۔
اسلام آباد میں مولانا فضل الرحمان ، بلاول بھٹو زرداری اور خالد مقبول صدیقی کے ہمراہ پریس کانفرنس کے دوران لیگی صدر شہباز شریف نے کہا کہ وزیراعظم ایوان میں عددی برتری کھو بیٹھے ہیں۔ مجھے ان سے امید تو نہیں مگر انہیں چاہئے کہ وہ استعفی دے کر نئی روایت قائم کریں۔
مسلم لیگ ن کے صدر شہباز شریف نے کہا کہ پیپلز پارٹی اور خالد مقبول صدیقی نے کھلے دل کے ساتھ ایک نئے سفر کا آغاز کیا ہے۔
