لاہور: گورنر پنجاب عمر سرفراز چیمہ کا کہنا ہے سیکرٹری اسمبلی کی رپورٹ کی روشنی میں ایڈوکیٹ جنرل کو خط لکھ دیا۔ وزیراعظم کےپاس گورنر کو ہٹانے کا صوابدیدی اختیار نہیں۔ جب تک صدر مملکت ڈی نوٹیفائی نہیں کرتے عہدے پر ہوں۔
عمر سرفراز چیمہ نے عہدے سے ہٹائے جانے کے سوال پر کہا کہ عہدے سے ہٹانے کی صوابدید وزیراعظم کی نہیں۔ صدر مملکت جب تک ڈی نوٹیفائی نہیں کرتے میں آفس ہولڈر ہوں۔
پنجاب اسمبلی میں ہنگامہ آرائی کے بارےگفتگو کرتے ہوئے گورنر پنجاب نے کہا کہ ایڈووکیٹ جنرل پنجاب اوراسپیکراسمبلی سے کل کے واقعے کی رپورٹ پررائےمانگی ہے۔ رپورٹ پررائے آنے تک نئے وزیراعلیٰ پنجاب کا حلف نہیں لے سکتا۔
دوسری جانب گورنر ہائوس میں حلف برداری کی تیاریاں جاری ہیں۔ نون لیگی رہنماؤں کے مطابق حلف برداری تقریب آج ہر صورت ہوگی۔