ہری پور : وزیراعظم عمران خان نے ڈیجیٹل سٹی اسپیشل ٹیکنالوجی زون کی تقریب سے خطاب کرتے ہوئے کہا کہ آنے والا دور ٹیکنالوجی کا دور ہے ۔
وزیراعظم عمران خان نے کہا کہ ڈاکٹر عطاء الرحمان اور ان کی ٹیم کو مبارکباد پیش کرتا ہوں ، وزیراعلیٰ خیبرپختونخوا ، صوبائی وزیر عاطف خان سمیت سب کو خراج تحسین پیش کرتا ہوں ۔ غریب ملک ہونے کے باوجود خیبرپختونخوا میں ہیلتھ کارڈ کا اجراء بہت بڑا اقدام ہے۔
انہوں نے کہا کہ قیام پاکستان کے بعد ملک میں تعلیم کے شعبہ پر مناسب توجہ نہیں دی گئی، پہلی دفعہ ملک بھر میں پانچویں کلاس تک یکساں نصاب تعلیم متعارف کرایا گیا، جتنے معیاری تعلیمی ادارے ہوں گے اتنے ہی زیادہ قابل لوگ معاشرے کو ملیں گے ۔
وزیراعظم نے کہا کہ اسپیشل ٹیکنالوجی زون سے ماحولیاتی مسائل پر قابو پانے میں بھی مدد ملے گی ۔