اسلام آباد:صدر مملکت ڈاکٹر عارف علوی کا کہنا ہے کہ وفاقی محتسب کا ادارہ متاثرہ افراد کو مفت انصاف فراہم کر رہا ہے۔وفاقی محتسب کی خدمات اور کردار کے بارے میں لوگوں میں آگاہی پیدا کرنے کی ضرورت ہے ۔
صدر مملکت ڈاکٹر عارف علوی نے وفاقی محتسب سیکریٹریٹ میں اجلاس کی صدارت کی ۔جہاں انہیں وفاقی محتسب اعجاز احمد قریشی نے متاثرہ افراد کو بلامعاوضہ انصاف کی فراہمی کے حوالے سے بریفنگ دی ۔اس موقع پرصدر مملکت نےقانون سازی کے ذریعے محتسب کے ادارے میں انقلابی تبدیلیوں کی ضرورت پر زور دیا ۔
اپنے خطاب میں صدر مملکت نے کہا کہ دور دراز علاقوں میں انتظامی ناانصافیوں کے خلاف بلا معاوضہ انصاف کی فراہمی کیلئے وفاقی محتسب کی رسائی بڑھانا ہوگی۔فوری انصاف کی فراہمی کیلئے قانون سازی کی مدد سے وفاقی محتسب کو مزید مضبوط اور موثر بنانا ہوگا۔
عارف علوی نے کہا کہ وفاقی محتسب متاثرہ افراد کو مفت انصاف فراہم کر رہا ہے۔وفاقی محتسب کی خدمات اور کردار کے بارے میں لوگوں میں آگاہی پیدا کرنے کی ضرورت ہے ۔بہتر طرز ِحکمرانی کیلئے ناانصافی کے مرتکب سرکاری اداروں کے ساتھ روابط بڑھانے کی ضرورت ہے ۔