پاکستان تحریک انصاف کے ایم پی اے سلطان محمد خان ہزاروں کارکنان کے ہمراہ عوامی نیشنل پارٹی میں شامل ہو گئے۔
اپنے بیان میں انہوں نے کہا کہ اے این پی قائدین کا شکر گزار ہوں جنہوں نے مجھے عزت دی، عمران خان اب بھی رکن اسمبلی ہیں مگر اسمبلی نہیں جا رہے۔ انہوں نے کہا کہ عمران خان اپنی ضد اورانا کیلئے لوگوں کو بے وقوف بنا رہے ہیں، انہیں آئینی طریقے سے ہٹایا گیا مگر وہ مانتے نہیں۔ ان کا کہنا تھا کہ میں دوبارہ اے این پی میں نہیں بلکہ اپنے گھر واپس آیا ہوں۔
ایمل ولی خان نے کہا کہ ہم چارسدہ سمیت پورے صوبے اور جہاں جہاں پشتون آباد ہیں، اتحاد اور اتفاق کو فروغ دیں گے۔