لاہور: وزیر اعلیٰ پنجاب حمزہ شہباز نے پنجاب بھر کی مارکیٹوں اور بازاروں کو 9 بجے رات بند کرنے کی پابندی چاند رات تک کیلئے ختم کرنے کا اعلان کر دیا۔
وزیراعلیٰ پنجاب حمزہ شہباز نے عوام اور تاجر برادری کیلئے بڑی عید کا بڑا تحفہ دے دیا، رات نو بجے مارکیٹ اور بازار بند کرنے کی پابندی چاند رات تک کیلئے ختم کردی گئی۔
حمزہ شہباز نے اپنے پیغام میں کہا ہے کہ چاند رات تک مارکیٹ اور بازار رات 9 بجے بند کرنے کی پابندی ختم کردی گئی، فیصلے کا اطلاق پنجاب بھر میں آج سے ہوگا۔
حمزہ شہباز نے کہا ہے کہ پنجاب حکومت نے یہ فیصلہ تاجر برادری اور عوام کی سہولت کیلئے کیا ہے، رات نو بجے کی پابندی ختم ہونے سے کاروبار اور شاپنگ میں آسانیاں پیدا ہوں گی۔