روس کے صدر ولادیمیر پیوٹن 19جولائی کو ایران کا دورہ کریں گے۔ جہاں وہ ایرانی اور ترک صدور ابراہیم رئیسی اور رجب طیب اردگان سے بھی ملاقات کریں گے۔
میڈیا کی رپورٹ کے مطابق صدر ولادیمیر پیوٹن ایران میں سہ فریقی شام امن مذاکرات میں شرکت کریں گے۔ ایران میں ہونے والے امن مذاکرات میں ایران، ترکی اور روس کے صدورشریک ہوں گے۔ یہ سہ فریقی مذاکرات شام میں قیامِ امن کے حوالے سے بات چیت کرنے کے لیے منعقد کیے گئے ہیں۔