نئی دہلی: بھارتی سیاست دان راہول گاندھی کا کہنا ہےکہ ہندو انتہا پسند گروپ ان کے ملک کے لیے مسلم عسکریت پسندوں سے زیادہ خطرہ بن سکتے ہیں۔
بھارتی میڈیا کے مطابق وکی لیکس نے انکشاف کیا ہے کہ راہول گاندھی نے گیارہ سال پہلے ایک ظہرانے میں امریکی سفیر سے کہا تھا کہ ہندو انتہا پسند گروپ ان کے ملک کے لیے مسلم عسکریت پسندوں سے زیادہ خطرہ بن سکتے ہیں۔
راہول گاندھی نے کہا تھا کہ بھارت کی کانگریس پارٹی میں ہندو انتہاپسندوں کے متعلق تحفظات پائے جاتے ہیں۔ بھارتی کانگریس پارٹی کی قیادت سمجھتی ہے کہ ہندو شدت پسند ملک کیلئے خطرہ ہیں۔ یہی وجہ ہے کہ کانگریس پارٹی کے رہنما راہل گاندھی نے دو ہزار دس میں امریکا کے بھارت میں سفیر کو ہندوشدت پسندوں کے متعلق اپنے تحفظات سے آگاہ کردیا تھا۔
