اسلام آباد :وزیراعظم عمران خان سے وزیراعلیٰ خیبرپختونخوا نے ملاقات کی۔ محمود خان نے خیبرپختوانخوا کے بلدیاتی انتخابات کے پہلے مرحلے میں پی ٹی آئی کی ناقص کارکردگی پر وزیر اعظم کو رپورٹ پیش کی ۔
وزیر اعظم سے ملاقات میں وزیر اعلیٰ کے پی محمود خان نے پارٹی کی ناقص کارکردگی کی رپورٹ پیش کرتے ہوئے مہنگائی اور ٹکٹوں کی غلط تقسیم کے ساتھ ساتھ مقامی رہنماؤں کے آپسی اختلافات کو شکست کی بڑی وجہ قرار دے دیا۔
ذرائع کے مطابق رپورٹ میں بلدیاتی انتخابات کے مایوس کن نتائج کی وجوہات بتائی گئیں جس میں مہنگائی اور ٹکٹوں کی غلط تقسیم کے ساتھ ساتھ مقامی رہنماؤں کے آپس کے اختلافات کو شکست کی بڑی وجہ قرار دیا گیا۔
ذرائع کے مطابق رپورٹ میں ساتھ نہ دینے والے ارکان پارلیمنٹ اور سینئر رہنماؤں کی نشاندہی کی گئی ہے۔وزیراعظم نےوزیراعلی کو اگلے مرحلے کی حکمت عملی سے متعلق گائیڈ لائنز دیں۔
