اسلام آباد: بلوچستان عوامی پارٹی کے چار ارکان نے اپوزیشن نشستوں پر بیٹھنے کی درخواست اسپیکر قومی اسمبلی کو جمع کروادی ہے ۔
بلوچستان عوامی پارٹی(باپ) کے چار ارکان خالد مگسی ، اسرار ترین ، احسان اللہ ریکی اور روبینہ عرفان نے اپوزیشن نشستوں پر بیٹھنے کی درخواست اسپیکر قومی اسمبلی کو جمع کروا دی ہے ۔ درخواست کے متن میں کہا گیا ہے کہ ہم نے بطور سیاسی جماعت پی ٹی آئی حکومت کی حمایت ختم کر دی ہے ۔
اسپیکر قومی اسمبلی کو جمع کروائی گئی درخواست کے متن میں کہا گیا ہے کہ ہم حکومتی بنچز پر مزید نہیں بیٹھنا چاہتے ہیں اس لیے ہمیں اپوزیشن بنچز پر نشستیں الاٹ کی جائیں۔
