پاکستانی فلموں کے مشہور اداکار مصطفیٰ قریشی کی اہلیہ معروف گلوکارہ روبینہ قریشی کراچی میں انتقال کر گئیں۔ اُن کی نمازِ جنازہ عصر کی نماز کے بعد عبداللّٰہ شاہ غازی کے مزار پر ہوگی اور تدفین بھی وہیں ہوگی۔
روبینہ قریشی کی عمر 81 برس تھی اور وہ طویل عرصے سے کینسر میں مبتلا تھیں۔ وہ 1940ء میں حیدرآباد میں پیدا ہوئیں، انہوں نے سندھی کے علاوہ اردو، پنجابی اور سرائیکی گیت بھی گائے۔
اداکار مصطفیٰ قریشی سے شادی کے بعد روبینہ قریشی 1970ء میں لاہور منتقل ہو گئیں۔ ان کا اصل نام عائشہ قریشی تھا۔ انہوں نے سندھ یونیورسٹی سے مسلم ہسٹری میں ماسٹرز کیا تھا۔
