حیدر آباد: وزیر اطلاعات و لیبر سعید غنی نے کہا ہے کہ چھتیں توڑنے سے انسانی المیہ جنم لے گا۔ ستر برس میں قائم کی گئی غیر قانونی بستیوں اور بلڈنگس کے متعلق فیصلے کیلئے سپریم کورٹ کے جج کی سربراہی میں کمیشن بنایا جائے۔
حیدرآباد میں صحافیوں کی تقریب سے خطاب کرتے ہوئے سعید غنی نے کہا کہ ہم نسلہ ٹاور توڑ دیں گے کیونکہ حکومت عدلیہ کا حکم ماننے کی پابند ہے۔ مجھ پر جبر کریں گے کہ اسیمبلی ممبر، منسٹر ہوں اور لوگوں کے گھر توڑوں یہ میں نہیں کرسکتا لاکھوں لوگوں کی چھتیں توڑنے سے انسانی المیہ جنم لے گا۔
سعید غنی نے تجویز دی کہ سپریم کورٹ کے جج کی سربراہی میں کمیشن بنایا جائے جو غیرقانونی عمارتوں اور آبادیوں کے بارے میں تعین کرے کہ کیا کرنا ہے۔
