بھارتی ٹینس اسٹار اورپاکستانی کرکٹرشعیب ملک کی اہلیہ ثانیہ مرزانے پروفیشنل ٹینس سے ریٹائرمنٹ کااعلان کردیا۔ ومبلڈن مکسڈڈبلزکے بعدثانیہ مرزانے کھیل کوخیرباد کہہ دیا۔ شاندارکیریئرمیں انہوں نے چھ ڈبلزگرینڈسلم جیتے۔
ثانیہ مرزا کوومبلڈن مکسڈڈبلز سیمی فائنل میں شکست کاسامناکرنا پڑا۔ اور یہی ان کے بیس سالہ کیریئرکاآخری میچ ثابت ہوا۔ثانیہ مرزا کاشمار ٹینس ڈبلزکی بہترین پلیئرز میں کیاجاتاہے۔ وہ ویمنزڈبلز میں عالمی نمبرایک کھلاڑی بھی رہیں۔ انہوں نے کلائی کی انجری کے بعدسنگلزٹینس سے ریٹائرمنٹ لے لی تھی اورشاندارکیریئرمیں تین ویمنز اورتین مکسڈڈبلزگرینڈ سلم ٹائٹل جیتے۔
انہوں نے ہم وطن مہیش بھوپتی کے ساتھ آسٹریلین اوپن اور فرنچ اوپن مکسڈڈبلزٹائٹل حاصل کیے۔ تاہم وہ کبھی ومبلڈن نہیں جیت سکیں۔ ثانیہ مرزا ویمنزٹینس میں بھارت کےہائیسٹ رینک پلیئررہیں۔ بے مثال کیریئر میں وہ ایک ملین ڈالرجیتنے والی واحد اور ڈبلیو ٹی اے سنگلز ٹائٹل حاصل کرنے والی دوسری بھارتی کھلاڑی ہیں۔