اسلام آباد:این سی او سی نے موسم سرما کی تعطیلات دسمبر کی بجائے تین جنوری سے کرنے کا فیصلہ کیا ہے۔
چیئرمین اسد عمر کی زیر صدارت تعلیمی اداروں میں سردیوں کی چھٹیوں کے حوالے سے این سی او سی کا اجلاس ہوا۔ این سی او سی کے مطابق تعلیمی اداروں میں ویکسی نیشن مکمل کرنے کے لیے تعطیلات تین جنوری سے کرنے کا فیصلہ کیا گیا ہے، چھٹیوں کا نوٹیفکیشن صوبائی حکومتیں جاری کریں گی۔
فیصلے کا اطلاق دھند اور شدید موسمی اثرات سے متاثر ہونے والے علاقوں پر نہیں ہوگا،سخت سرد موسم یا فوگ والے علاقوں میں چھٹیوں کا تعین صوبائی حکومتیں کریں گی۔ این سی اوسی کی جانب سے والدین سے گزارش کی گئی ہے کہ بچوں کی ویکسی نیشن کروائیں،اجلاس میں وفاقی وزیر تعلیم شفقت محمود اور معاون خصوصی برائے صحت فیصلہ سلطان بھی شریک تھے۔