وزیراعظم پاکستان شہباز شریف دورہ ازبکستان کے دوسرے روز مصروف دن گزاریں گے۔ وہ چین، آذربائیجان، قزاقستان کے صدور سے ملاقاتیں کریں گے اور شنگھائی تعاون تنظیم کے سربراہان سے خطاب بھی کریں گے۔
وزیر اعظم آفس سے جاری بیان کے مطابق شہباز شریف دوسرے روز کے شیڈول کے مطابق وہ مصروف دن گزاریں گے۔ آذربائیجان کے صدر الہام علیوو سے چین کے صدر شی جن پنگ سے اور صدر قزاقستان قاسم ژورمات توکائیف سے ملاقاتیں کریں گے، وزیرِ اعظم شنگھائی تعاون تنظیم کونسل آف ہیڈز آف اسٹیٹس میں شرکت کیلئے کانگرس سینٹر جائیں گے۔
آج وزیرِ اعظم شنگھائی تعاون تنظیم کے سربراہاں سے بھی خطاب کریں گے، وزیراعظم اپنے دورے کے اختتام سے پہلے امام بخاری کے مزار پر حاضری بھی دیں گے۔