محکمہ موسمیات نے ستمبر کے مہینے میں جنوب مشرقی سندھ میں معمول سے زائد بارشوں کی پیش گوئی کر دی۔
محکمہ موسمیات کے مطابق ستمبر میں سندھ میں مون سون کےکم ازکم دوسسٹم تیزبارشیں برساسکتے ہیں، تھرپارکر، عمرکوٹ اوربدین میں معمول سے بیس سے تیس فیصد زیادہ بارشیں متوقع ہیں۔ معمول سے زائد بارشوں میں سیلاب سے متاثرہ علاقوں میں صورت حال مزید خراب ہوسکتی ہے، دریائے سندھ میں سیلاب اور بارشوں سےزیریں سندھ میں درمیانے سے اونچے درجے کا سیلاب آسکتا ہے۔
شمال مشرقی پنجاب بشمول سیالکوٹ، نارووال اور لاہور میں بھی معمول سے زائد بارشیں متوقع ہیں، ستمبر میں شمال مشرقی پنجاب میں معمول سے دس سےپندرہ فیصد زائد بارشیں متوقع ہیں۔