اسلام آباد: وزیر خارجہ شاہ محمود قریشی نے کہا ہے کہ اپوزیشن نمبرز پورے کرنے کیلئے ضمیر فروشی پر اتر چکی ہے،،بلاول کی بہت سی باتوں پر ہنسی آتی ہے،وہ خدا کیلئے بڑے ہوجائیں۔
ایک بیان میں شاہ محمود قریشی نے کہا کہ ہم تصادم نہیں چاہتے، کسی ممبر کو ووٹ کاحق استعمال کرنے سے نہیں روکیں گے عدم اعتماد کا مقابلہ آئینی طریقے سے کریں گے،نمبرز پورے کرنے کی ذمہ داری اپوزیشن کی ہے جو ضمیر فروشی پر اتر چکی ہے، وزیر خارجہ نے کہا کہ سپریم کورٹ سے ہارس ٹریڈنگ ختم کرنے کیلئے رہنمائی چاہتے ہیں،یہ بھی رہنمائی لیں گے کہ کیا یہ ممبران تاحیات نااہل ہوں گے اگر وہ تاحیات نا اہل ہو سکتے ہیں تو انہیں یہ قدم اٹھانے سے پہلے سوچنا چاہیے،بلاول کی بہت سی باتوں پر ھنسی آتی ہے، وقت کےساتھ ساتھ سیکھ جائیں گے،بلاول خدا کیلئے بڑے ہوجائیں۔
اوآئی سی وزرا خارجہ اجلاس کے حوالے سے وزیر خارجہ نے کہا کہ چین کے وزیرخارجہ وزرا خارجہ اجلاس میں بطور مہمان خصوصی شرکت کے لئے آج پاکستان پہنچیں گے،بیشتر وزرائے خارجہ آج پہنچیں گے۔وزیراعظم عمران خان اجلاس سے کلیدی خطاب کریں گے جلاس میں امہ کو درپیش سلگتے ہوئے ایشوز اور سو سے زائد قراردادیں زیر بحث آئیں گی۔وزرائے خارجہ 23 مارچ کو نیشنل ڈے پریڈ میں بطور مہمان خصوصی شرکت کریں گے۔
