وزیراعظم شہباز شریف کا جنوبی سندھ میں بارش سے ہونے والے جانی اور مالی نقصان پر دلی رنج و افسوس کا اظہار کیا ہے۔
وزیر اعظم شہباز شریف نے جنوبی سندھ میں بارشوں اورسیلاب سےجانی و مالی نقصان پر اظہار افسوس کیاہے۔ وزیراعظم نےاین ڈی ایم اے اور پی ڈی ایم اے کو متاثرہ علاقوں میں امدادی کارروائیاں تیز کرنے کی ہدایت کردی۔
وزیر اعظم کا کہنا ہے کہ سیلابی صورتحال میں پہلی ترجیح متاثرہ لوگوں کا ریسکیو اور انکی فوری امداد ہے۔ وزیر اعظم نے سیلاب متاثرین کو فوری طور پرپچاس ہزار روپے فی خاندان فراہم کرنے کی بھی ہدایت کی ہے۔ وزیراعظم نے سیلاب متاثرین کو کھانا، صاف پانی فوری فراہم کرنے اور رہائش اور طبی سہولیات کی فراہمی کو یقینی بنانے کی ہدایت کی ہے۔ دیگر شہروں میں بھی سیلابی صورتحال سے نمٹنے کے لیئے متعلقہ اداروں کو تیار رہنے کا حکم دیا ہے۔
