وزیر اطلاعات سندھ شرجیل میمن نے عمران خان کے ٹوئٹ پر ردعمل دیتے ہوئے کہا ہے عمران خان بتائیں کہ امریکا کے خلاف انہوں نے کون سا بڑا کارنامہ کیا تھا جو ان کےخلاف بیرونی سازش ہوئی ہے ،عمران نیازی جو بائیڈن کی فون کال کا بے صبری سے انتظار کرتے رہے۔
صوبائی وزیر اطلاعات سندھ کا کہنا تھا کہ بیرونی سازش کا راگ الاپنے والے سے اپنے ایم این ایز اور اتحادی جماعتیں تنگ تھیں، سب نے دیکھا کہ بھارت نے کشمیر کو ہتھیایا اور یہ وہی شخص ہے جس نے بھارت کے عام انتخابات میں مودی کے لئے نیک خواہشات کا اظہار کیا تھا، عمران نیازی کا مشن پاکستانیوں کو گمراہ کرنا ہے،قوم اس مکار اور عیار کو سمجھے۔
شرجیل میمن نے کہا عمران نیازی نہ صرف ملک میں اقتصادی تباہی کا ذمہ دار ہے بلکہ اس شخص نے ملک کی خارجہ پالیسی کو شدید نقصان پہنچایا،، سی پیک کو روکنے میں بھی عمران خان اور ان کے مشیروں کا ہاتھ رہا ہے، صوبائی وزیر نے کہا عمران نیازی نے پاکستان کے ریاستی اداروں کو اپنے نشانے پر رکھا ہوا ہے۔
