لاہور: آسکر اکیڈمی ایوارڈ یافتہ، پاکستانی فلمساز شرمین عبید چنائے کو ایک اور اعزاز مل گیا ہے۔
برطانوی انسانی حقوق کی تنظیم ’دی پیپلز پورٹفولیو‘ نےشرمین عبید چنائے کو اپنی دستاویزی فلموں کے ذریعے متاثر کن قیادت، اور انسانوں کے لیے بڑی ہمت کا مظاہرہ کرنے پرایوارڈ دیا ہے۔
خیال رہے کہ اس برطانوی تنظیم کی بنیاد افلاطون نے رکھی ہے جو ایک مشہور برطانوی پورٹریٹ اور دستاویزی فوٹوگرافر ہیں۔
اس تنظیم کا بنیادی مقصد معاشرے میں موجود کسی بھی قسم کی رکاوٹوں اور امتیازی سلوک کے خلاف تخلیقی انداز میں آواز اٹھانا اور دنیا بھر میں انسانی حقوق کی حمایت کے لیے عام لوگوں کے ساتھ شامل ہونا ہے۔
