کراچی: سندھ ہائیکورٹ میں سات لاپتہ افراد کی بازیابی سے متعلق درخواستوں کی سماعت ہوئی۔ عدالت نے لاپتا افراد کی بازیابی سے متعلق ایک ماہ کی مزید مہلت دے دی۔ لاپتہ افراد کو بازیاب کراکر رپورٹ پیش کی جائے،جسٹس نعمت اللہ پھلپوٹو نے ریمارکس دئیے عرصہ دراز سے لاپتہ افراد کی بازیابی کے لیے اقدامات بہت ضروری ہیں۔
سندھ ہائی کورٹ میں میش کی گئی رپورٹ کے مطابق شہری عبدالقادر، مہیول، عثمان، سلیم الدین، وسیم عزیرالحسن اور محمد فاروق کی بازیابی کے لیے اقدامات جاری ہیں، مختلف اداروں کو خطوط لکھے ہیں جواب آنا باقی ہے،صوبائی ٹاسک فورس، جے آئی ٹیز اجلاس بھی منعقد کیے جارہے ہیں، شہریوں کی بازیابی کے لیے مہلت دی جائے۔
