اسلام آباد: عوامی مسلم لیگ کے سربراہ شیخ رشید احمد کا کہنا ہے کہ پاکستان میں سامراجی سنڈیوں نے منتخب وزیراعظم کے خلاف کامیابی حاصل کی۔ ہر اتوار کو افطاری سے سحری تک قوم سڑکوں پر ہو گی۔
سابق وزیرداخلہ شیخ رشید نے اسلام آباد میں پریس کانفرنس کرتے ہوئے کہاکہ میرے پاس اطلاعات تھیں لندن میں کیا سازش ہو رہی تھی ۔ یہ مال بنانے والے لوگ واپس آئیں گے۔اب فیصلہ سڑکوں پر ہو گا۔ ایک حل ہے الیکشن کروائے جائیں ۔
شیخ رشید نے کہاکہ ان چوروں کی واپسی پر میں آگے سے بھی زیادہ سیاسی جنگ لڑوں۔دو چینلز کے حوالے سے کہا گیا ان کا بائیکاٹ کیا جائے۔سوشل میڈیا پر کیا ہو رہا ہے سب دیکھ رہے ہیں طوفان کھڑا ہے۔
شیخ رشید نے کہاکہ قوم سے تین دن کی چھٹی مانگی ہے عمرے پر جا رہا ہوں۔ پشاور خود جاوں گا۔صوبائی اسمبلیوں میں استعفیٰ دینے ہیں یا اس کا مجھے نہیں پتا۔ سابق وزیرداخلہ نے کہاکہ فوج سلامتی کی ضمن ہے۔ یہ فوج ہماری فوج ہے اس کی عزت پر حرف آئے ہمارے پر حرف آئے۔لوگ اس ملک میں آزاد خارجہ پالیسی نہیں دیکھنا چاہتے، یہ جنگ امریکی سنڈیوں کے خلاف ہے۔