وفاقی وزیر ماحولیاتی تبدیلی سینیٹر شیری رحمان نے تمام متعلقہ اداروں اور انتظامیہ کو مون سون بارشوں کے دوران الرٹ رہنے کی ہدایت کردی ہے۔
وفاقی وزیر سینیٹر شیری رحمان نے کہا کہ دس سے چودہ اگست تک ملک کے مختلف حصوں میں مون سون کی شدید بارشیں ہونے کا امکان ہے اور اس حوالے سے وفاقی کابینہ نے بھی مون سون ایمرجنسی کا اعلان کیا ہے۔ خلیج بنگال پر بننے والے بارشوں کے نظام کی شدت میں اضافہ ہو رہا ہے۔
وفاقی وزیر نے کہا کہ این ڈی ایم اے، پی ڈی ایم اے اور تمام صوبائی و ضلعی انتظامیہ کو احتیاتی تدابیر اختیار کرنے کی ضرورت ہے۔