لاہور: امیر جماعت اسلامی سراج الحق کا کہناہے موجودہ حکومت نےآتے ہی سابق حکومت کی پالیسیوں کو جاری رکھنےکااعلان کر دیا ہے۔وزیرخزانہ لندن سے امریکا روانہ ہوگئے تاکہ آئی ایم ایف کی غلامی کا طوق قوم کے گلے میں پڑا رہے۔
جماعت اسلامی کے امیر سراج الحق نے اپنے جاری بیان میں کہا ہے کہ فلسطینیوں پر رمضان کے مہینے میں ظلم و ستم کے پہاڑ ٹوٹ رہے ہیں۔صیہونی قابض افواج نےنہتے روزے داروں پر مسجد اقصیٰ میں حملہ کیا۔مسلمان حکمرانوں کامسجد اقصیٰ حملے پرکوئی سخت ردعمل آیا ہو؟۔
سراج الحق کا کہنا تھاکہ مودی کی فاشسٹ حکومت مقبوضہ کشمیر میں مسلمانوں پر ظلم کر رہی ہے جبکہ پاکستان سمیت اسلامی ممالک کے سربراہان خاموش ہیں۔57 اسلامی ممالک کے حکمران مغرب کی چوکھٹ پر سجدہ ریز ہیں۔پاکستان ایٹمی ملک اور بائیس کروڑ عوام کا وطن مگرحکمران امریکا کے وفادار ہے۔