انگلینڈ کے خلاف ہوم سیریز اور ٹی 20 ورلڈ کپ 2022 کے لئے قومی ٹیم کے اسکواڈ کا اعلان کردیا گیا ہے اور شان مسعود کو فخر زمان پر ترجیح دے دی گئی ہے جبکہ حسن علی اپنی جگہ بنانے میں ناکام رہے۔
چیف سلیکٹر محمد وسیم نے پریس کانفرنس کرتے ہوئے قومی ٹیم کے اسکواڈ کا اعلان کیا۔ اعلان کردہ اسکواڈ میں کپتان بابر اعظم، نائب کپتان شاداب خان، آصف علی، حیدر علی، حارث رؤف، افتخار احمد، خوشدل شاہ، محمد حسنین، محمد نواز، محمد رضوان، محمد وسیم جونیئر، نسیم شاہ، شاہین شاہ آفریدی، شان مسعود اور عثمان قادر شامل ہیں۔
ریزرو کھلاڑیوں میں فخر زمان، محمد حارث اور شاہنواز دھانی کو رکھا گیا جبکہ انگلینڈ کے خلاف اسکواڈ کے لئے انجری کے شکار فخر زمان اور شاہین شاہ آفریدی کی جگہ ابرار احمد اور عامر جمال کو شامل کیا گیا ہے۔