ایشین ہیوی ویٹ چیمپیئن تیمور خان کا وطن واپسی پر شاندار استقبال۔ تیمور نے فائنل میں بھارتی باکسر کو شکست دے کر ایشین ہیوی ویٹ باکسنگ کا ٹائٹل جیت لیا۔
ایشین ہیوی ویٹ باکسنگ کا ٹائٹل جیت کر پاکستان کا دنیا بھر میں نام روشن کرنے والے باکسر تیمور خان کا وطن واپسی پر شاندار استقبال کیا گیا.تیمور خان کو اس ایونٹ میں سپانسر کرنے والی کمپنی لائف ریزیڈینشیا کے سی ای او سرفراز سیال نے پاکستانی باکسرکا استقبال کیا۔
تیمور خان نے بنکاک میں ہونے والے ایشین ہیوی ویٹ باکسنگ کے فائنل میں اپنے بھارتی حریف ودھانت اگروال کو چوتھے راؤنڈ میں شکست دے کر ٹائٹل اپنے نام کیا۔ پورے ایونٹ میں تیمور خان چھائے رہے اور ناقابل شکست رہے۔
وطن واپسی پر ایک بیان میں تیمور خان نے اللہ تعالیٰ، پاکستانی عوام، باکسنگ فیڈریشن اور لائف ریزیڈینشیا کا شکریہ ادا کیا۔