وزیراعظم میاں محمد شہباز شریف آج خیبر پختونخوا کے جنوبی ضلع ٹانک کا دورہ کریں گے۔ سیلاب زدہ علاقوں میں بحالی کے کاموں کا جائزہ لیں گے۔
وزیراعظم شہباز شریف دورہ ازبکستان مکمل کرکے وطن واپس پہنچ گئے، جہاں وہ آج بروز ہفتہ 17 ستمبر کو خیبر پختونخوا کے ضلع ٹانک کا دورہ کر رہے ہیں۔ دورے کے دوران وزیراعظم سيلاب زدہ علاقوں میں بحالی کے کاموں کا جائزہ لیں گے۔ وزیراعظم کو امدادی سرگرمیوں اور شاہراوں کی تعمیر پر بھی بریفنگ دی جائے گی۔ شہباز شریف سيلاب متاثرين سے ملاقات بھی کریں گے۔ متاثرین کے لیے بنائے گئے سو گھروں کا افتتاح بھی دورے میں شیڈول کیا گیا ہے۔
وزیراعظم ڈبرہ کے مقام پر سو گھروں کا افتتاح کرینگے۔ کوڑ قلعہ کے سامنے ڈبرہ ٹاؤن شپ میں ایک سو گھروں پر کام تیزی سے جاری ہے۔ اس سے قبل 7 ستمبر کو دورہ ٹانک کے موقع پر وزیراعظم میاں محمد شہباز شریف نے وعدہ کرتے ہوئے کہا تھا کہ ٹانک میں متاثرین کو دو ہفتوں میں 100 گھر بنا کر دیں گے۔ یہ سنگ بنیاد نہیں ہے بلکہ گھر بن چکے ہوں گے۔